ആലപ്പുഴ: ആലപ്പുഴ ചുങ്കത്തെ വെളിച്ചെണ്ണ ഫാക്ടറിയില്‍ തീപിടിത്തം. പുലര്‍ച്ചെ അഞ്ച് മണിയോടെയാണ് തീപിടുത്തമുണ്ടായത്. ഏഴ് യൂണിറ്റ് ഫയര്‍ഫോഴ്‌സ് എത്തിയാണ് തീ നിയന്ത്രണ വിധേയമാക്കിയത്. തീ പൂര്‍ണമായും അണയ്ക്കാനായിട്ടില്ല.
മില്ലില്‍ ധാരാളം വെളിച്ചെണ്ണയും കൊപ്രയും സൂക്ഷിച്ചിരുന്നു. ഇതാണ് തീ പെട്ടന്ന് പടര്‍ന്ന് പിടിക്കാന്‍ കാരണം. ഫാക്ടറിക്ക് പുറത്ത് നിര്‍ത്തിയിട്ടിരുന്ന ലോറിയും കത്തി നശിച്ചു. ജോലിക്കാരെത്തുന്ന സമയത്തിന് മുമ്പായതിനാല്‍ തീ പിടുത്തത്തില്‍ ആളപായമൊന്നുമില്ല.
വെളിച്ചെണ്ണ കവറിലാക്കി വില്‍ക്കുന്ന മില്ലില്‍ വില്‍പ്പനയ്ക്കായുള്ള വെളിച്ചെണ്ണയും ഒരുപാടുണ്ടായിരുന്നു. ലക്ഷങ്ങളുടെ നഷ്ടമാണ് ഉണ്ടായിരിക്കുന്നത്.
