വൈക്കം: വൈക്കം പടിഞ്ഞാറെ നടയിലെ സ്വകാര്യ വെജിറ്റേറിയന്‍ ഹോട്ടലില്‍ വന്‍ തീ പിടുത്തം. ഹോട്ടലിന്റെ മുകളിലത്തെ നിലയില്‍ നിന്നുമാണ് തീപടര്‍ന്നത്. രാവിലെ ഹോട്ടലിന്റെ മുകളില്‍ നിന്നും വലിയ തോതില്‍ പുക ഉയരുകയും തീ ആളി കത്തുകയുമായിരുന്നു.
ഹോട്ടലില്‍ ഉണ്ടായിരുന്ന ആളുകളെ സംഭവസ്ഥലത്ത് ഡ്യൂട്ടിയിലുണ്ടായിരുന്ന ഹോം ഗാര്‍ഡും നാട്ടുകാരും ചേര്‍ന്ന് ഒഴിപ്പിച്ചു. വൈക്കം, കടുത്തുരുത്തി എന്നിവിടങ്ങളില്‍ നിന്നായി എത്തിയ അഗ്‌നിശമന വിഭാഗവും പൊലീസും ചേര്‍ന്നാണ് തീ അണച്ചത്. തീ ആളിപ്പടര്‍ന്നതോടെ തൊട്ടടുത്ത കെട്ടിടത്തിലേക്ക് വ്യാപിച്ചുവെങ്കിലും കൃത്യമായ രക്ഷാപ്രവര്‍ത്തനത്തെ തുടര്‍ന്ന് വന്‍ അപകടം ഒഴിവാകുയായിരുന്നു.
