ചിരഞ്ജീവി- വിജയ് സേതുപതി ചിത്രം സായ് റാ നരസിംഹറെഡിയുടെ ലൊക്കേഷനില്‍ തീ പിടിച്ചതായി റിപ്പോര്‍ട്ട്. ഹൈദരാബാദിലെ ലൊക്കേഷനിലാണ്‌ തീപിടിച്ചത്.
ചിരഞ്ജീവിയുടെ ഹൈദരാബാദിലുള്ള ഫാം ഹൗസിനടുത്തുള്ള ഗണ്ടിപേട്ട് കായലിലിനടുത്താണ് തീപിടുത്തമുണ്ടായത്. പ്രദേശവാസികള്‍ പുക ഉയരുന്നതു കണ്ട് പൊലീസില്‍ വിവരമറിയിക്കുകയായിരുന്നു. സംഭവ സമയത്ത് ലൊക്കേഷനില്‍ ആരും ഉണ്ടായിരുന്നില്ലെന്നാണ് സൂചന.
തീ പടരാന്‍ കാരണം ഷോര്‍ട്ട് സര്‍ക്യൂട്ടാണെന്നാണ്‌ റിപ്പോര്‍ട്ട്. തീപിടുത്തത്തില്‍ സെറ്റ് ഭാഗികമായി നശിച്ചിട്ടുണ്ട്. അഗ്നിശമന സേന എത്തിയതിനാല്‍ കൂടുതലല്‍ അപകടം ഒഴിവായി.
