ബാര്‍മെര്‍: രണ്ട് സ്ത്രീകള്‍ ഉള്‍പ്പെടെ അഞ്ചു പാക്കിസ്ഥാനികളെ രാജസ്ഥാനിലെ ബാര്‍മറില്‍ നിന്നും പോലീസ് പിടികൂടി.
ബാര്‍മെറിലെ ലഗാസര്‍ അതിര്‍ത്തിയില്‍നിന്നാണ് ഇവരെ പിടികൂടിയത്. ജോജ്പൂരിലേയ്ക്കുള്ള വിസയാണ് ഇവര്‍ക്ക് ലഭിച്ചെങ്കിലും യാത്ര ചെയ്തത് ബാര്‍മെറിലേയ്ക്കായിരുന്നു.
തുടര്‍ന്ന് ജോദ്പൂരിലേയ്ക്കുള്ള ട്രെയിനിനായി കാത്ത് നില്‍ക്കവെ ഗാദ്ര റോഡ് റെയില്‍വേ സ്റ്റേഷനില്‍ വെച്ചാണ് ഇവര്‍ പോലീസിന്റെ കൈയ്യില്‍ പെടുന്നത്.
പാക്കിസ്ഥാന്‍ സ്വദേശികളായ ഖോജോ ഭില്‍(60), ചന്ദു ഭില്‍(75), ചന്ദുവിന്റെ ഭാര്യ ദായ് ബായ് ഭില്‍(70), നരേഷ് ഭില്‍(10) ദര്‍മി ബായ്(12) എന്നിവരാണ് പിടിയിലായത്.
