വാഷിംഗ്ടൺ: അമേരിക്കയിൽ യാത്രാവിമാനം തകർന്നു വീണു. ന്യൂജേഴ്സിയിലെ റ്റാറ്റർബോറോ വിമാനത്താവളത്തിനു സമീപമാണ് സംഭവം. രണ്ടു ജീവനക്കാര്‍ മരിച്ചു.
വിമാനം നിലത്തിറക്കാൻ ശ്രമിക്കുന്നതിനിടെയാണ് അപകടമുണ്ടായതെന്നാണ് വിവരം. സ്വകാര്യ വ്യക്തിയുടെ ചെറുയാത്രവിമാനമാണ് അപകടത്തിൽപ്പെട്ടത്. എന്നാൽ വിമാനം ആരുടേതാണെന്ന വിവരം പുറത്തുവിട്ടിട്ടില്ല.
വിമാനം നിലത്തിറക്കാൻ ശ്രമിക്കുന്നതിനിടെ സമീപത്തെ കെട്ടിടങ്ങളിൽ ഇടിച്ച് തകർന്നു വീഴുകയായിരുന്നു. വിമാനത്തിനുള്ളിൽ ഉണ്ടായിരുന്ന രണ്ട് ജീവനക്കാർ മരിച്ചെന്നാണ് വിവരം. എന്നാൽ ഇത് സ്ഥിരീകരിച്ചിട്ടില്ല. കൂടുതൽ വിവരങ്ങൾ ലഭ്യമല്ല.
