മടിക്കേരി : മഴക്കെടുതിയില്‍ കര്‍ണാടകയിലെ കൊടകിലും മടിക്കേരിയിലുമുണ്ടായ വെള്ളപ്പൊക്കത്തില്‍ ആറുപേര്‍ മരിച്ചു. നിരവധി പേരെ കാണാതാവുകയും ചെയ്തു.
കൊടക് ജില്ലയിലെ ഹെമ്മമത്തലു, മേഘത്തലു, മുക്കോഡ്ലു, കലൂര്‍ പ്രദേശങ്ങളിലാണ് മണ്ണിടിച്ചിലുണ്ടായത്. 500 ഓളം പേരാണ് പ്രദേശത്ത് കുടുങ്ങിക്കിടക്കുന്നത്.
മൂവത്തൊക്ക്ലു വില്ലേജില്‍ വീട് തകര്‍ന്ന് ഒരാള്‍ മരിച്ചു. ദക്ഷിണ കന്നഡ അതിര്‍ത്തി പ്രദേശമായ ജോഡ്പാലയില്‍ വ്യാപക മണ്ണിടിച്ചിലിനെ തുടര്‍ന്ന് 200 ഓളം പേരാണ് കുടുങ്ങിക്കിടക്കുന്നത്. മണ്ണിടിച്ചിലുണ്ടായ മക്കണ്ടൂരില്‍ സൈനിക ഹെലികോപ്റ്റര്‍ രക്ഷാപ്രവര്‍ത്തനം ആരംഭിച്ചിട്ടുണ്ട്.
