ബാര്‍സിലോണ : ലയണല്‍ മെസ്സിയുടെ ഇരട്ടഗോളുകളോടെ സ്പാനിഷ് ലീഗ് ലാ ലിഗയില്‍ ബാര്‍സിലോണയുടെ തിരിച്ചുവരവ്. കഴിഞ്ഞ നാലു മല്‍സരങ്ങളില്‍ ആദ്യവിജയവുമായി ബാര്‍സ കളം പിടിച്ചു. ഒസാസുനയെ എതിരില്ലാത്ത മൂന്നു ഗോളുകള്‍ക്കാണ് ചാംപ്യന്‍ ക്ലബ് തകര്‍ത്തുവിട്ടത്. മെസ്സി രണ്ടും ലൂയി സുവാരസ് ഒനും ഗോളുകള്‍ നേടി.
കിട്ടിയ അവസരങ്ങള്‍ മുഴുലവന്‍ മുതലാക്കിയിരുന്നെഹ്കില്‍ ബാര്‍സയുടെ വിജയം ഇതിലും മികച്ചതായിരുന്നേനെ. വ്യക്തമായ ആദിപത്യമുണ്ടായിരുന്ന ഒദ്യ പകുതിയില്‍ ഗോള്‍ നേടാന്‍ ബാര്‍സയ്ക്കു കഴിഞ്ഞില്ല.
എന്നാല്‍ സുവാരസിലൂടെ രണ്ടാം പകുതിയില്‍ ബാര്‍സയുടെ ഗോള്‍വേട്ടയ്ക്കു തുടക്കമായി. 5-ാം മിനിറ്റില്‍ ജോഡി ആല്‍ബയുടെ കിറുകൃത്യം പാസിന് കാല്‍വയ്‌ക്കേണ്ട ചുമതല സ്വാരസ് ഭംഗിയാക്കിയതോടെ ബാര്‍സയുടെ ഗോള്‍ക്ഷാമയത്തിന് അറുതിയായി. 72-ാം മിനിറ്റില്‍ മെസ്സി ലീഡുയര്‍ത്തി.
ആല്‍ബയുടെ പാസ് തന്നെയായിരുന്നു രണ്ടാംഗോളിലെയും പിന്തുണ. ഇന്‍ജുറി ടൈമില്‍ മെസ്സി വീണ്ടും ആഞ്ഞടിച്ചതോടെ ഒസാസുനയുടെ വെടി തീര്‍ന്നു.
ഇതോടെ 11 ഗോളുകളുമായി മെസ്സി ലീഗിലെ ടോപ് സ്‌കോറര്‍ പട്ടികയില്‍ ഇടംപിടിച്ചു. 10 വീതം ഗോളുകള്‍ നേടിയ സുവാരസ്, ക്രിസ്റ്റ്യാനോ റൊണാള്‍ഡോ എന്നിവരെയാണ പിന്നിലാക്കിയത്. പോയിന്റ് പട്ടികയില്‍ റയല്‍ മാഡ്രിഡിനു (34 പോയിന്റ്) പിന്നില്‍ രണ്ടാംസ്ഥാനത്താണിപ്പോള്‍ ബാര്‍സ (31).
