കാത്തിരിപ്പുകൾക്ക് വിരാമമിട്ട് ഫോഴ്സ് മോട്ടോർസ് പുതിയ ഗൂർഖ എസ്‌യുവി പുറത്തിറങ്ങുന്നു. പുതിയ സവിശേഷതയുമായി എത്തുന്ന മോഡൽ 3 ഡോർ ഫോർമാറ്റിലാണ് വിൽപ്പനയ്ക്ക് എത്തുന്നത്. 3 ഡോർ പതിപ്പിൽ എത്തുന്ന പുതുതലമുറ മഹീന്ദ്ര ഥാർ തന്നെയാണ് ഗൂർഖയുടെയും എതിരാളി. എന്നാൽ, നേരത്തെ പുറത്തുവന്ന റിപ്പോർട്ട് അനുസരിച്ച് ഥാറും ഗൂർഖയും 5 ഡോർ പതിപ്പുകൾ അവതരിപ്പിക്കാൻ ഒരുങ്ങുകയാണ്. ഗൂർഖ 5 ഡോർ ഈ വർഷാവസാനം ലോഞ്ച് ചെയ്യുമെന്നാണ് പുറത്തുവരുന്ന റിപ്പോർട്ടുകൾ.
അതേസമയം, ലോഞ്ച് ചെയ്യുന്നതിന് മുന്നോടിയായി പുതിയ ഫോഴ്സ് ഗൂർഖ 5 ഡോർ നിരത്തുകളിൽ സജീവമായി പരീക്ഷിച്ചുവരികയാണ്. പരീക്ഷണയോട്ടം നടത്തുന്ന ഗൂർഖ 5 ഡോർ പതിപ്പിന്റെ ഏറ്റവും പുതിയ ചിത്രങ്ങളാണ് ഇപ്പോൾ പുറത്തുവന്നിരിക്കുന്നത്. വാഹനത്തിന്റെ വശങ്ങളെയും, 5 ഡോറിന്റെ വലിപ്പത്തെയും പുതിയ ചിത്രങ്ങൾ വ്യക്തമായി വെളിപ്പെടുത്തുന്നുണ്ട്.
ട്രാക്‌സിന്റേതിന് സമാനമായ ടോപ്പ് ക്യാപ് ധരിച്ചിരിക്കുന്നു. പുതിയ ഗൂർഖ 3 ഡോറിന് സമാനമായ ഡിസൈൻ ഈ വാഹനത്തിന് ലഭിക്കുന്നതെങ്കിലും വലിപ്പത്തിന്റെയും ഉള്ളിലെ സ്‌പെയിസിന്റെയും കാര്യത്തിൽ മാറ്റങ്ങൾ ഉണ്ടെന്നാണ് വിവരം. 2022 ഗൂർഖ 5 ഡോർ എസ്‌യുവിയുടെ 3 ഡോർ മോഡലിൽ കാണുന്ന അതേ ലാഡർ ഫ്രെയിം ഷാസിയുടെ നീളമേറിയ പതിപ്പ് എടുത്തുകാണിക്കുന്നു. ഗൂർഖ 3 ഡോറിനേക്കാൾ 400 mm നീളമുള്ളതാക്കി 2.8 മീറ്ററോളം വീൽബേസ് ഉണ്ടായിരിക്കുമെന്നാണ് റിപ്പോർട്ട് പറയുന്നത്.
വൃത്താകൃതിയിലുള്ള എൽഇഡി ഹെഡ്‌ലാമ്പുകൾ, ഫോഗ് ലാമ്പുകൾ, എൽഇഡി ഡിആർഎൽ എന്നിവയ്ക്കൊപ്പം ടെയിൽഗേറ്റിൽ ഘടിപ്പിച്ചിരിക്കുന്ന സ്നോർക്കലും സ്പെയർ വീലും ഉൾപ്പെടുന്ന വലിയ ഗൂർഖ എസ്‌യുവി അതിന്റെ ഡിസൈനിന്റെ ഭൂരിഭാഗവും കടമെടുക്കും. 2 അധിക ഡോറുകളുടെ കൂട്ടിച്ചേർക്കൽ കാരണം പിൻവശത്തെ ഡിസൈൻ വ്യത്യസ്തമായിരിക്കും. ഗൂർഖ 5 ഡോറിന് സിംഗിൾ സ്ലാറ്റ് ഡിസൈനിൽ പുതിയ ഫ്രണ്ട് ഗ്രിൽ ലഭിക്കും. 245/70 ടയറുകൾ ഘടിപ്പിച്ച 16 ഇഞ്ച് ഡ്യുവൽ ടോൺ അലോയ് വീലുകളും ക്ലാഡിംഗോടുകൂടിയ വീൽ ആർച്ചുകളുമാണ് ഇതിന്റെ ഓഫ്-റോഡിംഗ് നില മെച്ചപ്പെടുത്തുന്നത്.
6, 7 സീറ്റുകളുള്ള ലേഔട്ടുകളിൽ ഫോഴ്സ് ഗൂർഖ 5 ഡോർ വാഗ്ദാനം ചെയ്യും. ഇതിന് രണ്ടാം നിരയിൽ ഒരു ബെഞ്ച് സീറ്റും 7 സീറ്റർ പതിപ്പിന് പിന്നിൽ ക്യാപ്റ്റൻ സീറ്റും ലഭിക്കും, 6 സീറ്ററിന് രണ്ടാമത്തെയും മൂന്നാമത്തെയും നിരകളിൽ ക്യാപ്റ്റൻ സീറ്റുകൾ ലഭിക്കും. 3 ഡോർ ഗൂർഖയിൽ കാണുന്നതു പോലെയായിരിക്കും ഈ പതിപ്പിലെയും ഫീച്ചറുകൾ. ആപ്പിൾ കാർപ്ലേ, ആൻഡ്രോയിഡ് ഓട്ടോ കണക്റ്റിവിറ്റിയുള്ള 7 ഇഞ്ച് ടച്ച് സ്‌ക്രീൻ ഇൻഫോടെയ്ൻമെന്റ് സിസ്റ്റവും സെൻട്രൽ കൺസോളും ഉള്ള പുതിയ ഡാഷ്ബോർഡ് ഡിസൈൻ ഇതിൽ ഉൾപ്പെടുന്നു.
മാനുവൽ ലോക്കിംഗ് ഡിഫറൻഷ്യലുകൾക്കൊപ്പം ഫോഴ്സ് മോട്ടോർസ് 4WD വാഗ്ദാനം ചെയ്യുമെന്ന് പ്രതീക്ഷിക്കുന്നു. 3 ഡോർ പതിപ്പിൽ കാണുന്നത് പോലെ, ലോ റേഞ്ച് ട്രാൻസ്ഫർ കേസ്, മാനുവൽ ലോക്കിംഗ് ഫ്രണ്ട് ആൻഡ് റിയർ ഡിഫറൻഷ്യലുകൾ തുടങ്ങിയ ഓഫ് റോഡ് ഗിയറുകളും ഗൂർഖ 5 ഡോറിന് ലഭിക്കും. സസ്പെൻഷനിൽ യഥാക്രമം മുന്നിലും പിന്നിലും സ്വതന്ത്രമായ സസ്‌പെൻഷനും മൾട്ടി-ലിങ്ക് റിജിഡ് ലൈവ് ആക്സിൽ സസ്‌പെൻഷനും ഉൾപ്പെടും. നിലവിൽ വാഹനത്തിന്റെ വില സംബന്ധിച്ച് വിവരങ്ങളൊന്നും ലഭ്യമായിട്ടില്ല.
എന്നിരുന്നാലും, നിലവിലെ ഗൂർഖ 3 ഡോറിന് 14.10 ലക്ഷം രൂപ വിലയുള്ളതിനാൽ, അതിന്റെ 5 ഡോർ പതിപ്പിന് 1-2 ലക്ഷം രൂപ വരെ വില ഉയർന്നേക്കാം. മഹീന്ദ്ര ഥാർ, മാരുതി ജിംനി തുടങ്ങിയ വരാനിരിക്കുന്ന 5 ഡോർ എസ്‌യുവികൾക്ക് എതിരെയാകും പുതിയ വാഹനം മത്സരിക്കുക. 2022 ദീപാവലിയോടെ ലോഞ്ച് ചെയ്യുമെന്നാണ് പ്രതീക്ഷിക്കുന്നത്.
