ഇസ്ലാമാബാദ്: നിലവില്‍ പ്രശസ്ത താരങ്ങള്‍ കയ്യടക്കിവച്ചിരിക്കുന്ന എല്ലാ ബാറ്റിങ് റെക്കോര്‍ഡുകളും തകര്‍ക്കാന്‍ ശക്തനാണ് കോഹ്‌ലിയെന്ന് മുന്‍ പാക്ക് ബൗളര്‍ വഖാര്‍ യൂനിസ്.
മത്സരങ്ങളില്‍ കളിയോടുള്ള കോഹ്‌ലിയുടെ സമീപനം, ബാറ്റിങ്ങിലുള്ള കഴിവ്, ഫിറ്റ്‌നസ്സ് ഇതെല്ലാം പകരം വയ്ക്കാനാകാത്തതാണ് എന്നാണ് പാക്ക് താരത്തിന്റെ അഭിപ്രായം.
കോഹ്ലി അടുത്തുതന്നെ എല്ലാ ബാറ്റിങ് റെക്കോര്‍ഡുകളും തകര്‍ക്കുമെന്നാണ് താന്‍ കരുതുന്നതെന്നും വഖാര്‍ വ്യക്തമാക്കി.
കഴിഞ്ഞ പത്തുവര്‍ഷത്തിനിടെ കളിക്കുണ്ടായ മാറ്റം വലുതാണ്. പുതിയ കാലത്തെ മികച്ച കളിക്കാരന്‍ കോഹ്‌ലിയാണെന്ന കാര്യത്തില്‍ തര്‍ക്കമില്ല. എല്ലാ തലത്തിലും മറ്റു കളിക്കാരെ പിന്നിലാക്കുന്നുണ്ടെന്നും മുന്‍ പാക്ക് കോച്ച് കൂടിയായ വഖാര്‍ പറഞ്ഞു.
അതേസമയം സച്ചിനെ പോലെ പ്രൊഫഷണല്‍ ആയ മറ്റൊരു കളിക്കാരനെ താന്‍ തന്റെ കാലത്ത് കണ്ടിട്ടില്ല. ലാറയാകട്ടെ ഏതുകളിയും ഒറ്റയ്ക്ക സ്വന്തമാക്കാന്‍ കെല്‍പ്പുള്ള താരമാണെന്നും വഖാര്‍ കൂട്ടിചേര്‍ത്തു.
