മുംബൈ:തെക്കൻ മുംബൈയിലെ ധാന്യമില്ലിൽ തീപിടുത്തം. തീപിടുത്തത്തിൽ നാലുപേർക്ക് പരുക്കേറ്റു. ചൊവ്വാഴ്ച ഉച്ചതിരിഞ്ഞ് ഡോങ്രിയിലെ മോഹമ്മദി മൻസിലിലാണ് അപകടം നടന്നത്. ബ്രിഹാൻമുംബൈ മുനിസിപ്പൽ കോർപ്പറേഷന്റെ നേതൃത്വത്തിൽ രക്ഷാപ്രവർത്തനങ്ങൾ നടത്തി. പരുക്കേറ്റവരെ ആശുപത്രിയിൽ പ്രവേശിപ്പിച്ചിരിക്കുകയാണ്.
ഒരു മണിക്കൂറിനുള്ളിൽ മില്ലിലെ തീ അഗ്നിശമന ഉദ്യോഗസ്ഥർ അണച്ചു. ആളപായങ്ങൾ ഒന്നും റിപ്പോർട്ട് ചെയ്തിട്ടില്ല. ഷോർട്ട് സർക്യൂട്ട് മൂലമാണ് അപകടം നടന്നതെന്നാണ് പ്രാഥമിക നിഗമനം.
