പെരിന്തല്‍മണ്ണ: പെരിന്തല്‍മണ്ണയില്‍ ആനകൊമ്പുമായി നാലംഗ സംഘം അറസ്റ്റില്‍.
അഗളി ചിറവൂര്‍ വെക്കുകടവ് സുബ്രഹ്മണ്യന്‍ (51), കോയമ്പത്തൂര്‍ പെരിനായകപാളയം പാലമട കോളനി സ്വദേശികളായ വീരഭദ്രന്‍ (32), രംഗസാമി(57), മണ്ണാര്‍ക്കാട് പള്ളിക്കുറുപ്പ് കോഴിശ്ശേരി അഷ്‌റഫ് (46) എന്നിവരാണ് അറസ്റ്റിലായത്.
ഏഴ് ലക്ഷം രൂപ വിലവരുന്ന ആനക്കൊമ്പാണ് സംഘം അനധികൃതമായി കടത്താന്‍ ശ്രമിച്ചത്.
പെരിനായക പാളയം പാലമടയില്‍ നിന്ന് പെരിന്തല്‍മണ്ണയിലേക്ക് ആനക്കൊമ്പ്‌കൊണ്ടുവരുന്നതിനിടെയാണ് സംഘത്തെ പിടികൂടിയത്.
പെരിന്തല്‍മണ്ണ ഡി.വൈ.എസ്.പി എം.പി മോഹനചന്ദ്രന്റെ നേതത്വത്തിലുള്ള പ്രത്യേക അന്വേഷണ സംഘം നടത്തിയപരിശോധനയിലാണ് നാല്‍വര്‍ സംഘം വലയിലായത്.
