തിരുവനന്തപുരം: ഇന്ധനവില ഇന്നും കൂട്ടി. പെട്രോള് ലിറ്ററിന് 48 പൈസയാണ് കൂട്ടിയത്. ഡീസല് വിലയില് മാറ്റമില്ല. ഇതോടെ തിരുവനന്തപുരത്ത് ഒരു ലിറ്റര് പെട്രോളിന് 112 രൂപ 59 പൈസയും, കോഴിക്കോട് പെട്രോളിന് 110 രൂപ 72 പൈസയുമായി. കഴിഞ്ഞ ഒരു മാസത്തിനിടെ പെട്രോള് ലിറ്ററിന് എട്ട് രൂപ 88 പൈസയാണ് കൂട്ടിയത്. ഇന്നലെ പെട്രോളിനും ഡീസലിനും 48 പൈസ വീതം കൂട്ടിയിരുന്നു.
രാജ്യത്ത് ഇന്ധനവില വര്ധനയില് റെക്കോഡ് ഇട്ട മാസമായിരുന്നു ഒക്ടോബര്. പെട്രോളിന് ഏഴ് രൂപ എണ്പത്തിരണ്ട് പൈസയും ഡീസലിന് എട്ട് രൂപ എഴുപത്തൊന്ന് പൈസയുമാണ് ഒക്ടോബറില് കൂടിയത്.
