നിലമ്പൂര്‍: മലപ്പുറത്ത് ഫുട്‌ബോള്‍ മത്സരം നടക്കുന്നതിനിടെ ഗ്യാലറി തകര്‍ന്ന് വീണ് അപകടം. മലപ്പുറം പൂങ്ങോടാണ് സംഭവം. സെവന്‍സ് ഫുട്‌ബോള്‍ ചാമ്പ്യന്‍ഷിപ്പ് മത്സരം നടക്കുന്നതിനിടെയാണ് സംഭവം. കളികാണാന്‍ നിരവധിപ്പേര്‍ എത്തിയതോടെ താല്‍ക്കാലിക ഗ്യാലറി തകര്‍ന്നു വീഴുകയായിരുന്നു.
അപകടത്തില്‍ നിരവധിപ്പേര്‍ക്ക് പരുക്കേറ്റതായാണ് പ്രാഥമിക വിവരം. പരുക്കേറ്റവരെ വണ്ടൂര്‍ മിംസ് ആശുപത്രിയില്‍ പ്രവേശിപ്പിച്ചു. മത്സരം ആരംഭിക്കുന്നതിനു മുമ്പായിരുന്നു സംഭവമെന്നതിനാലാണ് കൂടുതല്‍ അപകടമൊഴിവായതെന്നു ദൃക്‌സാക്ഷികള്‍ പറഞ്ഞു. 2,500 ഓളം പേര്‍ കളികാണാന്‍ എത്തിയിരുന്നു.
