നവാഗതനായ ഗിരീഷ് പണിക്കര്‍ സംവിധാനം ചെയ്യുന്ന ചിത്രം ‘ദ ഗാംബിനോസ്’ ലെ ക്യാരക്ടര്‍ തീം മ്യൂസിക് പുറത്ത് വിട്ടു. ലോകത്തെ തന്നെ ഏറ്റവും ശക്തരായ അധോലോക കുടുംബമായ ഗാംബിനോസ് എന്ന ഭീകര കുടുംബത്തില്‍ നിന്ന് പ്രചോദനമുള്‍ക്കൊണ്ടാണ് ഗിരീഷ് ഈ ചിത്രം ഒരുക്കിയിരിക്കുന്നത്.
സസ്പെന്‍സ് ത്രില്ലറായ ഗാംബിനോസില്‍ രാധിക ശരത്കുമാര്‍, വിഷ്ണു വിനയ്, നീരജ എന്നിവരാണ് കേന്ദ്രകഥാപാത്രങ്ങളായെത്തുന്നത്. യാതൊരു തെളിവുകളും അവശേഷിപ്പിക്കാതെയാണ് ഈ കുടുംബം കൊലപാതകം നടത്താറ്. അമേരിക്കയില്‍ താമസമാക്കിയ ഈ ഇറ്റാലിയന്‍ കുടുംബത്തിനെ പൊലീസിനുപോലും ഭയമായിരുന്നു.
