ഇംഗ്ലണ്ട് പര്യടനത്തില്‍ മികച്ച പ്രകടനം കാഴ്ചവെച്ച ഇന്ത്യന്‍ ടീമിനെ അഭിനന്ദിച്ച് ബിസിസിഐ പ്രസിഡന്‍റ് സൗരവ് ഗാംഗുലി. ടെസ്റ്റ് പരമ്പര 2-2ന് സമനിലയിലായപ്പോള്‍ ടി20, ഏകദിന പരമ്പരകള്‍ ഇന്ത്യ നേടിയിരുന്നു. കഴിഞ്ഞ വര്‍ഷം ടെസ്റ്റ് പരമ്പരയിലെ മുന്‍ മത്സരങ്ങളില്‍ ടീമിനെ നയിച്ച വിരാട് കോലിയേയും മുന്‍ പരിശീലകന്‍ രവി ശാസ്‌ത്രിയേയും അടക്കം പരാമര്‍ശിച്ചാണ് ദാദയുടെ ട്വീറ്റ്.
‘ഇംഗ്ലണ്ടിലേത് ഗംഭീര പ്രകടനം. ഇംഗ്ലണ്ടില്‍ മികവ് കാട്ടുക അത്ര എളുപ്പമല്ല. ടെസ്റ്റ് പരമ്പര. ടി20, ഏകദിന പരമ്പരകള്‍ എന്നിവ വിജയിച്ചു. രാഹുല്‍ ദ്രാവിഡും രോഹിത് ശര്‍മ്മയും രവി ശാസ്‌ത്രിയും വിരാട് കോലിയും ഗംഭീരമാക്കി. റിഷഭ് പന്ത് സ്‌പെഷ്യലായി, ഒപ്പം ഹാര്‍ദിക് പാണ്ഡ്യയും’ എന്നാണ് സൗരവ് ഗാംഗുലിയുടെ ട്വീറ്റ്.
Super performance in england ..not easy in their country ..2-2 test .win in T20 and one days..well done dravid ,rohit sharma,ravi shastri,virat kohli @bcci ..pant just special..so is pandu ..
— Sourav Ganguly (@SGanguly99) July 17, 2022
നിലവില്‍ ഇന്ത്യന്‍ ടീമിന്റെ നായകന്‍ രോഹിത് ശര്‍മ്മയും പരിശീലകന്‍ രാഹുല്‍ ദ്രാവിഡുമാണെങ്കിലും കഴിഞ്ഞ വര്‍ഷം ടെസ്റ്റ് പരമ്പരയിലെ മുന്‍ മത്സരങ്ങളില്‍ ടീമിനെ നയിച്ചത് വിരാട് കോലിയും പരിശീലകന്‍ രവി ശാസ്‌ത്രിയുമായിരുന്നു.
