ന്യൂയോര്‍ക്ക്: വര്‍ഷങ്ങള്‍ക്ക് ശേഷം ജി-മെയില്‍ ലോഗോ മാറ്റി ഗൂഗിള്‍. ഗൂഗിള്‍ ജി-മെയില്‍ ലോഗോ ഇപ്പോള്‍ ഒരു ‘എം’ ആണ്. ഒപ്പം ഗൂഗിളിന്റെ ലോഗോയിലെ വര്‍ണ്ണങ്ങളും എമ്മില്‍ കാണാം. പ്രോഡക്ടുകളുടെ ലോഗോകള്‍ ഗൂഗിള്‍ തങ്ങളുടെ വിവിധ വര്‍ണ്ണങ്ങളുള്ള ലോഗോയ്ക്ക് അനുസരിച്ച് വര്‍ഷങ്ങളായി മാറ്റിയിട്ടുണ്ട്. എന്നാല്‍ ജി-മെയില്‍ ഒരു കത്തിന്‌റെ എന്‍വലപ്പിനെ ഓര്‍മ്മിക്കുന്ന ലോഗോയില്‍ തുടര്‍ന്നു. അതാണ് ഗൂഗില്‍ ഇപ്പോള്‍ മാറ്റിയിരിക്കുന്നത്.
പുതിയ ലോഗോ ജി-മെയിലിന്റെ വിവിധ സോഷ്യല്‍ മീഡിയ പ്ലാറ്റ്‌ഫോം പേജുകളില്‍ ഉള്‍പ്പെടുത്തി കഴിഞ്ഞു. എം എന്ന ആക്ഷരത്തിന് നീല, ചുവപ്പ്, പച്ച, മഞ്ഞ എന്നീ കളറുകളാണ് പുതിയ ലോഗോയില്‍ ഉള്ളത്.
