റിലയന്‍സ് ജിയോ 4ജി ഫീച്ചര്‍ ഫോണില്‍ ഇനിമുതല്‍ ഗൂഗിള്‍ അസിസ്റ്റന്റ് സേവനവും ലഭ്യമാക്കാം.
ഡല്‍ഹിയില്‍ നടന്ന ഗൂഗിള്‍ ഫോര്‍ ഇന്ത്യ 2017 പരിപാടിയിലാണ് ജിയോഫോണുകളിലേക്കുള്ള ഗൂഗിള്‍ അസിസ്റ്റന്റ് അവതരിപ്പിക്കുമെന്ന് അറിയിച്ചത്.
ഗൂഗിള്‍ അസിസ്റ്റന്റ് ഫീച്ചര്‍ ലഭ്യമാക്കുന്ന ആദ്യ ഫീച്ചര്‍ ഫോണും ജിയോഫോണ്‍ ആണ്. ആദ്യമായാണ് മറ്റൊരു മുന്‍നിര കമ്പനിയുടെ ആപ്ലിക്കേഷന്‍ ജിയോഫോണിലേക്കെത്തുന്നത്.
കായ് ഓഎസില്‍ പ്രവര്‍ത്തിക്കുന്ന ജിയോഫോണില്‍ ജിയോയുടെ തന്നെ മള്‍ടിമീഡിയാ ആപ്ലിക്കേഷനുകള്‍ ലഭ്യമാണ്. ഇംഗ്ലീഷ്‌, ഹിന്ദി ഭാഷയിലായിരിക്കും ഗൂഗിള്‍ അസിസ്റ്റന്റ് ലഭ്യമാവുക.
ഗൂഗിള്‍ അസിസ്റ്റന്റ് കൂടി ജിയോഫോണിലെത്തുന്നതോടെ ഒരു ഓണ്‍ലൈന്‍ സ്മാര്‍ട്ട് അസിസ്റ്റന്റ് സംവിധാനവും ജിയോഫോണിലേക്കെത്തുമെന്നാണ് വിവരം.
ജിയോഫോണില്‍ നിലവില്‍ വോയ്‌സ് കണ്‍ട്രോള്‍ സംവിധാനം ലഭ്യമാണ്.
