ജോലി സ്ഥലങ്ങളിൽ നിരവധി മാറ്റങ്ങൾ വന്നെങ്കിലും ഒഴിവാക്കപ്പെടാതെ ഇന്നും തൊഴിലിടങ്ങളിലെ മുഖ്യ താരമാണ് ഹോൾ പഞ്ചർ.
ഹോൾ പഞ്ചറിന്റെ 131മത് ജന്മ വാർഷികം ആഘോഷിക്കുകയാണ് ഗൂഗിൾ ഡൂഡിൽ.
ആനിമേഷൻ ഡൂഡിൽ ഉപയോഗിച്ചാണ് ഗൂഗിൾ ഹോൾ പഞ്ചറിന് ആദരവ് നൽകിയിരിക്കുന്നത്.
1886 നവംബർ 14 ന് ജർമ്മൻ ശാസ്ത്രജ്ഞനായ ഫ്രീഡ്രിക്ക് സീനക്കെനാണ് ഹോൾ പഞ്ചർ നിർമ്മിച്ചത്.
കാലിഗ്രാഫിയിൽ എഴുതാൻ കഴിയുന്ന വിധത്തിൽ മഷി പേനകൾക്കായി പുതിയൊരു നിപ് അദ്ദേഹം കണ്ടെത്തിയിരുന്നു.
ഡിജിറ്റൽ യുഗത്തിൽ നാം ഒരു വലിയ കുതിച്ചുചാട്ടം നടത്തിയിട്ടുണ്ടെങ്കിലും ഇന്നത്തെ ആധുനിക ലോകത്തിൽ ഈ യന്ത്രം ഇപ്പോഴും വ്യാപകമായി ഉപയോഗിക്കപ്പെടുന്നുണ്ട്.
