ഗോയു.എസ്.എ. ടി.വിയുടെ സീരിസ് ‘അമേരിക്കാനോസ്’ റിലീസ് ചെയ്തു. ലാ റെയ്‌നയാണ് ഷോയുടെ നിര്‍മാതാക്കള്‍.
വൈസിന്റെ വിര്‍ച്യൂവും പ്രശസ്ത സംവിധായകന്‍ റോബര്‍ട്ട് റോഡ്രിഗ്യൂസും ചേര്‍ന്ന് നടത്തുന്ന ക്രിയേറ്റീവ് ഏജന്‍സിയാണ് ലാ റെയ്‌ന. അഞ്ച് ഭാഗങ്ങളായി ഇറങ്ങുന്ന സീരിസ് അമേരിക്കയിലെ പല സ്ഥലങ്ങളിലായി ജീവിക്കുന്ന ലാറ്റിങ്‌സ് സമൂഹത്തിനെക്കുറിച്ചാണ് പറയുന്നത്.
അവിടുത്തെ വൈവിധ്യമാര്‍ന്ന സംസ്‌കാര സമ്പത്തിനെയും ആളുകളെയും നഗരത്തെയും പരിചയപ്പെടുത്തുകയാണ് ‘അമേരിക്കാനോസ്’. ഒരു ട്രാവല്‍ സീരിസായിട്ടാണ് ‘അമേരിക്കാനോസ്’ പുറത്തിറങ്ങിയിരിക്കുന്നത്. ലാറ്റിങ്‌സ് വിഭാഗത്തിലെ ഒരു കൂട്ടം കലാകാരന്മാരാണ് സീരിസിന് പിന്നില്‍ പ്രവര്‍ത്തിച്ചിരിക്കുന്നത്.
അതേസമയം, ഈ വര്‍ഷം അവസാനം സീരിസിന്റെ ഭാഗങ്ങളെല്ലാം ഒന്നിച്ച് ചേര്‍ത്ത് ഫീച്ചര്‍ രൂപത്തില്‍ പ്രദര്‍ശിപ്പിക്കാനും നിര്‍മാതാക്കള്‍ പദ്ധതിയിടുന്നു. മേയ് 14 മുതല്‍ ഗോയു.എസ്.എ ടിവിയില്‍ ‘അമേരിക്കാനോസ്’ സംപ്രേഷണം ആരംഭിച്ചു.
