ന്യൂയോര്‍ക്ക്: കൊറോണ വൈറസ് ബാധിച്ച് ഗ്രാമി പുരസ്‌കാര ജേതാവായ ഗായകന്‍ ആദം ഷ്‌ലേസിങ്കര്‍ അന്തരിച്ചു. 52 വയസ്സായിരുന്നു. ആശുപത്രിയില്‍ ചികിത്സയില്‍ ഇരിക്കവേയായിരുന്നു അന്ത്യം. രണ്ടാഴ്ച മുമ്പാണ് വൈറസ് ബാധയെ തുടര്‍ന്ന് അദ്ദേഹത്തെ ആശുപത്രിയില്‍ പ്രവേശിപ്പിച്ചത്. നടന്‍ ടോം ഹാങ്ക്‌സ് ആണ് അദ്ദേഹത്തിന്റെ മരണ വിവരം പുറത്ത് വിട്ടത്.
നടന്‍ ടോം ഹാങ്ക്‌സ് സംവിധാനം ചെയ്ത ദാറ്റ് തിങ്‌സ് യു ഡൂ എന്ന ചിത്രത്തിലെ ഗാനത്തിന് ഓസ്‌കര്‍, ഗോള്‍ഡന്‍ ഗ്ലോബ് പുരസ്‌കാരങ്ങള്‍ എന്നിവയ്ക്ക് നാമനിര്‍ദ്ദേശം ചെയ്യപ്പെട്ടിട്ടുണ്ട്. ഗ്രാമി എമ്മി പുരസ്‌കാര ജേതാവായ ആദം ‘ഫൗണ്ടന്‍സ് ഓഫ് വെയ്ന്‍’ എന്ന റോക്ക് ബാന്‍ഡിന്റെ സ്ഥാപകന്‍ കൂടിയാണ്.
