ആഴ്‌സണുമായി ദീര്‍ഘ കാല കരാറില്‍ ഒപ്പിട്ട് സ്വിസ്സ് താരം ഗ്രാനിറ്റ് സാക്ക. കഴിഞ്ഞ സീസണില്‍ ആഴ്സണലിന്റെ 37 ലീഗ് മത്സരങ്ങളില്‍ ഇറങ്ങിയ താരമാണ് സാക്ക. 2016ല്‍ ബൊറൂസിയ മൊന്‍ചെന്‍ഗ്ലാഡ്ബാക്കില്‍ നിന്നാണ് സാക്ക ആഴ്സണലില്‍ എത്തിയത്. ആഴ്സണലിന് വേണ്ടി സാക്ക മൊത്തം 94 മത്സരങ്ങള്‍ കളിച്ചിട്ടുണ്ട്. ആദ്യ സീസണില്‍ ആഴ്സണലിന്റെ കൂടെ എഫ്.എ കപ്പ് കിരീടവും താരം സ്വന്തമാക്കിയിട്ടുണ്ട്.
2023 വരെയാണ് കരാര്‍ എന്ന് റിപ്പോര്‍ട്ടുകള്‍ ഉണ്ടെങ്കിലും ക്ലബ് ഓദ്യോഗികമായി കരാര്‍ കാലാവധി പ്രഖ്യാപിച്ചിട്ടില്ല. സ്വിറ്റ്‌സര്‍ലന്‍ഡ് ടീമിന്റെ കൂടെ ലോകക്കപ്പിനായി റഷ്യയില്‍ ആണ് സാക്ക ഇപ്പോള്‍.
