അബുദാബി: അബുദാബിയിലേക്ക് പ്രവേശിക്കാനുള്ള രാജ്യങ്ങളുടെ ഗ്രീന്‍ പട്ടിക പരിഷ്‌കരിച്ച് അബുദാബി സാംസ്‌കാരിക ടൂറിസം വകുപ്പ് (ഡിസിടി). ഈ രാജ്യങ്ങളില്‍ നിന്ന് വരുന്ന യാത്രക്കാരെ അബുദാബിയില്‍ ഇറങ്ങിയതിന് ശേഷം നിര്‍ബന്ധിത ക്വാറന്റൈന് നടപടികളില്‍ നിന്ന് ഒഴിവാക്കും.
ഇസ്രായേലില്‍ നിന്നും ദക്ഷിണ കൊറിയയില്‍ നിന്നും യുഎഇയിലേക്ക് പറക്കുന്ന യാത്രക്കാര്‍ക്ക് അബുദാബിയില്‍ ഇറങ്ങുമ്പോള്‍ ഇനി ക്വാറന്റൈന് വേണ്ട. സാംസ്‌കാരിക, ടൂറിസം വകുപ്പിന്റെ ഹരിത പട്ടികയുടെ ഏറ്റവും പുതിയ പട്ടികയില്‍ സ്വയം ക്വാറന്റൈന് വേണ്ടാതെ 14 രാജ്യങ്ങളില്‍ നിന്ന് യാത്ര ചെയ്യാം.
ഞായറാഴ്ച പരിഷ്‌കരിച്ച ഏറ്റവും പുതിയ പട്ടികയില്‍ ഒരു രാജ്യത്തെയും പട്ടികയില്‍ നിന്ന് നീക്കം ചെയ്തിട്ടില്ല. ഈ 14 രാജ്യങ്ങളില്‍ നിന്നുള്ള യാത്രക്കാര്‍ക്ക് അബുദാബിയില്‍ ക്വാറന്റൈന് ആവശ്യമില്ല.
