അറേബ്യന്‍ ഗള്‍ഫ് കപ്പ് ഫുട്‌ബോളില്‍ ഇറാഖ് സെമി ഫൈനലില്‍ എത്തി. ദോഹയില്‍ നടക്കുന്ന ഫുട്‌ബോളില്‍ യു.എ.ഇയെ രണ്ട് ഗോളുകള്‍ക്ക് തോല്‍പ്പിച്ചാണ് ഇറാഖ് സെമി ഫൈനലില്‍ എത്തിയിരിക്കുന്നത്. ദോഹ ഖലീഫ അന്താരാഷ്ട്ര സ്റ്റേഡിയത്തില്‍ വച്ചാണ് മത്സരം നടക്കുന്നത്.
ഇറാഖ് ഇരുപത്തിനാലാമത് ഗള്‍ഫ് കപ്പ് ഫുട്‌ബോളിലാണ് ആദ്യ സെമി ഫൈനലിസ്റ്റുകളായി സ്ഥാനം പിടിച്ചിരിക്കുന്നത്. മത്സരത്തിന്റെ ഏഴാം മിനുട്ടില്‍ അലാ അബ്ബാസിലൂടെ ഇറാഖ് മുന്നേറുകയായിരുന്നു.
ഇതിനുമുമ്പ് മത്സരത്തില്‍ യെമനെ മറുപടിയില്ലാത്ത ആറ് ഗോളുകള്‍ക്ക് തോല്‍പ്പിച്ചാണ് ഖത്തര്‍ സെമി സാധ്യതകള്‍ നിലനിര്‍ത്തി നില്‍ക്കുന്നത്.
