ഹക്കിം ഷാ സംവിധാനം ചെയ്യുന്ന വട്ടിപ്പണം ചിത്രത്തിന്റെ ഫസ്റ്റ്‌ലുക്ക് പോസ്റ്റര്‍ പുറത്തിറങ്ങി. സ്‌പെക്ട്രാ ഫിലിംസിന്റെ ബാനറില്‍ മെല്‍വിന്‍ പെരേര, സ്റ്റാലിന്‍ വിഗരസ് എന്നിവര്‍ ചേര്‍ന്നാണ് ചിത്രം നിര്‍മ്മിക്കുന്നത്. ജൂലൈ ആദ്യ വാരം ചിത്രത്തിന്റെ ഷൂട്ടിംങ് ആരംഭിക്കുമെന്ന് അണിയറ പ്രവര്‍ത്തകര്‍ അറിയിച്ചു.
കേരള-തമിഴ് നാട് അതിര്‍ത്തിലുണ്ടാകുന്ന സംഭവവികാസങ്ങളാണ് വട്ടിപ്പണം ചിത്രത്തിന്റെ പ്രമേയം. ടിറ്റോ വില്‍സണ്‍, ഗ്വരിന്‍ വിഗരസ്, തമിഴ് നടന്‍ സമ്പത്ത്, ബിനീഷ് ബാസ്റ്റിന്‍ എന്നിവരാണ് കേന്ദ്ര കഥാപാത്രങ്ങളെ അവതരിപ്പിക്കുന്നത്. കൂടാതെ പുതുമുഖങ്ങളും അണിനിരക്കുന്നുണ്ട്. തമിഴ് മലയാളം ഭാഷകളില്‍ ചിത്രം പുറത്തിറങ്ങും. ഷൈന്‍ പുള്ളിക്കലാണ് സംഗീതം നല്‍കുന്നത്.
