കൊച്ചി : സംസ്ഥാനത്ത് സൂര്യാതപ മുന്നറിയിപ്പ് നാളെ വരെ തുടരും. കോഴിക്കോട് ജില്ലയില്‍ 11 പേര്‍ക്കും കൊല്ലത്ത് മൂന്ന് പേര്‍ക്കും ഇന്ന് സൂര്യാതപമേറ്റു. ശരാശരിയില്‍ നിന്ന് മൂന്ന് ഡിഗ്രി വരെ താപനില ഉയരുമെന്നാണ് കാലാവസ്ഥാ നിരീക്ഷണ കേന്ദ്രത്തിന്റെ മുന്നറിയിപ്പ്.
വയനാട് ഒഴികെയുള്ള ജില്ലകളില്‍ രണ്ട് മുതല്‍ മൂന്ന് ഡിഗ്രി വരെ താപനില ഉയരും. താപനിലയില്‍ നേരിയ കുറവുണ്ടെങ്കിലും അതീവജാഗ്രത തുടരണമെന്ന് ദുരന്തനിവാരണ അതോറിറ്റി നിര്‍ദേശിച്ചിട്ടുണ്ട്. പാലക്കാട് ഇന്ന് രേഖപ്പെടുത്തിയത് 39.3 ഡിഗ്രി സെല്‍ഷ്യസ് ആണ്. കൊല്ലത്ത് 38 ഡിഗ്രിയും ആലപ്പുഴയില്‍ 37 ഡിഗ്രിയും ഇന്ന് രേഖപ്പെടുത്തി.
ഇന്ന് 14 പേര്‍ക്കാണ് സൂര്യാതപമേറ്റത്. കഴിഞ്ഞ മാസം 436 പേര്‍ക്കാണ് കൊടുംചൂടില്‍ സൂര്യാതപമേറ്റത്. 11 പേര്‍ക്ക് സൂര്യാഘാതവുമുണ്ടായി.
