കോഴിക്കോട്: കനത്ത മഴയെ തുടര്‍ന്ന് കോഴിക്കോട് ജില്ലയിലെ പ്രൊഫഷണല്‍ കോളേജ് ഉള്‍പ്പടെ എല്ലാ വിദ്യാഭ്യാസ സ്ഥാപനങ്ങള്‍ക്കും ജില്ലാ കളക്ടര്‍ യു വി ജോസ് ഇന്ന് അവധി പ്രഖ്യാപിച്ചു.
അംഗന്‍വാടികള്‍ക്കും അവധി ബാധകമായിരിക്കും.
അതേസമയം, ജില്ലയില്‍ കഴിഞ്ഞ 12 മണിക്കൂറായി തുടര്‍ച്ചയായി പെയ്യുന്ന മഴയ്ക്ക് നേരിയ ശമനം പോലും ഉണ്ടായിട്ടില്ല. മഴയെത്തുടര്‍ന്ന് വിവിധയിടങ്ങളില്‍ മണ്ണിടിച്ചിലും ഉണ്ടായിട്ടുണ്ട്.
നിരവധി കൃഷിയിടങ്ങള്‍ ഒലിച്ചുപോയി. ജില്ലയിലെ നദികളെല്ലാം തന്നെ കരകവിഞ്ഞൊഴുകുകയാണ്.
