കോഴിക്കോട്: കോഴിക്കോട് ഇയ്യാട് നിന്നും കാണാതായ കുട്ടിയുടെ മൃതദേഹം കണ്ടെത്തി. മുഹമ്മദ് യാസീന്റെ മൃതദേഹമാണ് തോട്ടില് നിന്നും കണ്ടെത്തിയത്.
ഇയ്യാട് ഗ്ലോബല് പബ്ലിക് സ്കൂളിലെ യുകെജി വിദ്യാര്ത്ഥിയാണ് മുഹമ്മദ് യാസിന്. ഇയ്യാട് ചേലത്തൂര് മീത്തല് മുഹമ്മദലിയുടെ മകനായ യാസിനെ തിങ്കളാഴ്ച മുതലായിരുന്നു കാണാതായത്. നാട്ടുകാരും പൊലീസും സ്കൂളിന് സമീപത്തെ തോട്ടിലടക്കം തെരച്ചില് നടത്തിയിരുന്നെങ്കിലും ഇന്നാണ് കണ്ടെത്താനായത്.
