പത്തനംതിട്ട: ശബരിമലയിൽ തിക്കിലും തിരക്കിലുംപെട്ട് നിരവധി പേർക്ക് പരിക്ക്.
മാളികപ്പുറത്തിനു സമീപമായിരുന്നു സംഭവം. 35ഓളം പേർക്ക് പരിക്കേറ്റു. നാലു പേരുടെ നില ഗുരുതരമാണെന്നു പറയുന്നു. ഇവരെ പമ്പയിലെ ആശുപത്രിയിൽ പ്രവേശിപ്പിച്ചു.
ശബരിമലയിലും പരിസര പ്രദേശങ്ങളിലും പോലീസ് ജാഗ്രതാനിർദേശം നൽകിയിട്ടുണ്ട്.
തങ്കയങ്കി ഘോഷയാത്ര സന്നിധാനത്ത് എത്തിച്ചേരുന്ന സമയത്താണ് അപകടം സംഭവിച്ചത്. തങ്കയങ്കി ചാർത്തിയുള്ള ദീപാരാധനയ്ക്കായി വൻതിരക്കാണ് ഉണ്ടായിരുന്നത്.
തങ്കയങ്കി സന്നിധാനത്ത് എത്തിച്ചേരുന്ന സമയം ആളുകളെ ഇടയ്ക്ക് തടഞ്ഞിരുന്നു. ദീപാരാധനയ്ക്ക് ശേഷം ഭക്തരെ ദർശനത്തിനായി കടത്തിവിടുമ്പോഴാണ് തിക്കുംതിരക്കും ഉണ്ടായത്. പരിക്കേറ്റവരിൽ കൂടുതലും അന്യസംസ്ഥാനക്കാരാണ്.
