ന്യൂഡൽഹി: ഏഷ്യ കപ്പ് വനിതാ ഹോക്കി കിരീടം നേടിയ ഇന്ത്യൻ വനിത ടീമിന് ഒരു ലക്ഷം പാരിതോഷികം പ്രഖ്യാപിച്ചു.
ടീമിലെ പതിനെട്ട് കളിക്കാർക്കും കോച്ചിനുമാണ് പാരിതോഷികം നൽകുന്നത്.
ജപ്പാനിലെ കാകമിഗഹാരയില്‍ നടന്ന കലാശപ്പോരില്‍ ചൈനയെ മറികടന്നാണ് ഇന്ത്യന്‍ വനിതകള്‍ കിരീടം നേടിയത്. 5-4നായിരുന്നു ഇന്ത്യ ചൈനയെ തകര്‍ത്തത്.
ഈ വിജയത്തോടെ അടുത്ത വര്‍ഷം നടക്കുന്ന ലോകകപ്പ് ഹോക്കിയിലേക്കും ഇന്ത്യന്‍ വനിതകള്‍ യോഗ്യത നേടി.
ഇന്ത്യ വിജയം നേടിയതോടെ 13 വര്‍ഷത്തെ ഇന്ത്യയുടെ കാത്തിരിപ്പാണ് അവസാനിച്ചത്. 2004ല്‍ ജപ്പാനെ
തോല്‍പ്പിച്ചാണ് ഇന്ത്യ ഏഷ്യ കപ്പ് ചാമ്പ്യന്മാരായത്.
