വാവെയ്‌യുടെ ഉപബ്രാന്‍ഡായ ഓണര്‍ 9N ഇന്ത്യയില്‍ അവതരിപ്പിച്ചു. ഓണര്‍ 9N 2018ല്‍ ചൈനയില്‍ പുറത്തിറക്കിയ ഓണര്‍ 9iയുടെ പുതിയ വേര്‍ഷനാണ് എന്നാണ് റിപ്പോര്‍ട്ടുകള്‍.
3ജിബി റാം 32 ജിബി സ്റ്റോറേജ് വേര്‍ഷന് 11,999 രൂപയും 4ജിബി റാം 128ജിബി സ്റ്റോറേജിന് 17,999 രൂപയുമാണ് വില. ഫ്‌ളിപ്കാര്‍ട്ടിലും ഓണര്‍ ഓണ്‍ലൈന്‍ സ്റ്റോറുകളിലും ഫോണ്‍ ലഭ്യമാകും.
എല്‍ഇഡി ഫ്‌ലാഷിനു തിരശ്ചീനമായുള്ള ഡ്യുവല്‍ റിയര്‍ ക്യാമറകളും റിയര്‍ മൗണ്ട് ഫിംഗര്‍പ്രിന്റ് സെന്‍സറും ഓണര്‍ 9Nല്‍ ഉണ്ട്. 5.84 ഇഞ്ച് ഫുള്‍ എച്ച്ഡി + (2280 × 1080 പിക്‌സല്‍ റസല്യൂഷന്‍) 19: 9 ഡിസ്‌പ്ലേയാണ് ഫോണ്‍. 13 എംപി പ്രൈമറി സെന്‍സര്‍, 2 എംപി സെക്കന്‍ഡറി സെന്‍സര്‍ എന്നിവയുടെ സംയോജിതമായ ഡ്യുവല്‍ റിയര്‍ ക്യാമറകളുണ്ട്. 3,000 mAh ആണ് ബാറ്ററി.
