ബോളിവുഡിന്റെ ഗ്രീക്ക് ദൈവം എന്ന പേരിൽ അറിയപ്പെടുന്ന സൂപ്പർ താരമായ ഹൃത്വിക് റോഷന്‍ ലോകത്തിലെ ഏറ്റവും സുന്ദരന്‍മാരായ സിനിമാ താരങ്ങളുടെ പട്ടികയില്‍ ഒന്നാം സ്ഥാനത്ത്. വേള്‍ഡ്സ് ടോപ്പ്മോസ്റ്റ് ഡോട്ട്കോം എന്ന അന്താരാഷ്ട്ര വെബ്സൈറ്റ് നടത്തിയ ഓണ്‍ലൈന്‍ വോട്ടെടുപ്പിലാണ് ഹൃത്വിക് സുന്ദരന്‍മാരില്‍ ഒന്നാമതായി സ്ഥാനം നേടിയത്.
ക്രിസ് ഇവാന്‍സ്,ടോം ഹിഡില്‍റ്റണ്‍, കനേഡിയന്‍ താരം ഗോഡ്‌ഫ്രേ ഗാവോ , റോബര്‍ട്ട് പാറ്റിന്‍സണ്‍ എന്നിവരെയെയാണ് നമ്മുടെ സൂപ്പർ ഹീറോ പിന്തള്ളിയത്. ഹൃത്വിക് റോഷനെ കൂടാതെ ബോളിവുഡിന്റെ മസിൽ മാൻ സല്‍മാന്‍ ഖാനും ആദ്യ പത്തില്‍ ഇടം നേടിയിട്ടുണ്ട്. അഞ്ചാംസ്ഥാനത്താണ് സല്‍മാൻ ഖാന്റെ സ്ഥാനം.
വേള്‍ഡ്സ് ടോപ്പ്മോസ്റ്റ് ഡോട്ട്കോം കഴിഞ്ഞ വർഷം നടത്തിയ മറ്റൊരു സര്‍വ്വേയില്‍ ഹൃത്വിക് കത്തിലെ ഏറ്റവും സുന്ദരന്‍മാരായ പുരുഷന്‍മാരുടെ പട്ടികയില്‍ മൂന്നാം സ്ഥാനത്ത് എത്തിയിരുന്നു. അന്ന് ഹൃതിക് പിന്തള്ളിയത് സൂപ്പർ താരങ്ങളായ ജോണി ഡെപ്പ്, ബ്രാഡ് പിറ്റ്, ഇറാഖില്‍ നിന്നുമുള്ള പ്രശസ്ത മോഡല്‍ ഒമര്‍ ബൊര്‍ഖാന്‍ അല്‍ഗല എന്നിവരെയാണ്. ഹൃത്വിക് റോഷന്റെ ആരാധകർക്ക് കൂടുതൽ സന്തോഷം നൽകുന്ന വാർത്തയാണിത്.
