ക്രിസ്മസ് പ്രമാണിച്ച് ചൈനീസ് സ്മാര്‍ട് ഫോണ്‍ വിതരണ കമ്പനിയായ വാവെയ് ഹാന്‍ഡ്‌സെറ്റുകളുടെ വില കുത്തനെ കുറച്ചു. ഹോളിഡേ സെയിലില്‍ 15000 രൂപ വരെ ഇളവ് നല്‍കുന്നുണ്ട്. 21 മുതല്‍ തുടങ്ങിയ വില്‍പ്പന ജനുവരി 2 വരെ തുടരും. ആമസോണ്‍ വഴിയാണ് വില്‍പ്പന. നോ കോസ്റ്റ് ഇഎഐ ഓപ്ഷനും നല്‍കുന്നുണ്ട്
ഫ്‌ളാഗ്ഷിപ്പ് മോഡലുകളായ പി20 പ്രോ, പി20 ലൈറ്റ്, നോവ 3, നോവ 3ഐ എന്നീ ഹാന്‍ഡ്‌സെറ്റുകള്‍ക്കാണ് ഓഫര്‍ നല്‍കുന്നത്. പി20 ലൈറ്റ് ഹാന്‍ഡ്‌സെറ്റിന് 8000 രൂപ വിലകുറച്ച് 14,999 രൂപയ്ക്കാണ് നല്‍കുന്നത്. 24 മെഗാപിക്‌സല്‍ സെല്‍ഫി ക്യാമറയാണ് വാവെയ് പി20 ലൈറ്റിന്റെ പ്രധാന സവിശേഷത. 16 മെഗാപിക്‌സലാണ് റിയര്‍ ക്യാമറ.
വാവെയ് പി20 പ്രോ ഹാന്‍ഡ്‌സെറ്റ് 15,000 രൂപ വില കുറച്ച് 54,999 രൂപയ്ക്കും വില്‍ക്കുന്നു. ആറു മാസത്തെ നോ കോസ്റ്റ് ഇഎംഐ ഓപ്ഷനും ലഭ്യമാണ്. നോവ 3ഐ 7,009 ഇളവോടെ 16,990 രൂപയ്ക്ക് വാങ്ങാം. 39,999 രൂപ വിലയുള്ള നോവ 3 ഹാന്‍ഡ്‌സെറ്റിന് 10,000 രൂപ ഇളവ് നല്‍കി 29,999 രൂപയ്ക്ക് വില്‍ക്കുന്നു.
