കോവിഡ് ബാധിച്ച് ചികിത്സയിലുള്ള ഇന്ത്യന്‍ ക്രിക്കറ്റ് ഇതിഹാസം സച്ചിന്‍ ടെന്‍ഡുല്‍ക്കര്‍ പെട്ടെന്ന് രോഗമുക്തനാകാന്‍ ആശംസിച്ച് മുന്‍ പാക്കിസ്ഥാന്‍ താരം വസീം അക്രം. ആശുപത്രിയില്‍ പ്രവേശിപ്പിച്ചതിന് പിന്നാലെ സച്ചിന്‍ പ്രാര്‍ഥനകള്‍ക്ക് നന്ദി പറഞ്ഞുകൊണ്ട് ട്വീറ്റ് ചെയ്തിരുന്നു. അതിന് മറുപടിയായി നിരവധി താരങ്ങള്‍ സച്ചിന്‍ രോഗമുക്തനാവാന്‍ ആശംസ അറിയിച്ചിരുന്നു.
നിരവധി മത്സരങ്ങളില്‍ പരസ്പരം ഏറ്റുമുട്ടിയ വസീം അക്രത്തിന്റെ വരികള്‍ ഇങ്ങനെയാണ്.
’16 വയസിലും നിങ്ങള്‍ ലോകോത്തര ബോളര്‍മാരെ ആത്മവിശ്വാസത്തോടെ നേരിട്ടിരുന്നു. അതുകൊണ്ട് എനിക്കുറപ്പാണ് നിങ്ങള്‍ കോവിഡിനേയും സിക്സര്‍ പറത്തുമെന്ന്. ഇന്ത്യയുടെ 2011 ലോകകപ്പ് നേട്ടത്തിന്റെ വാര്‍ഷികം നിങ്ങള്‍ ആശുപത്രിയില്‍ ആഘോഷിച്ചെങ്കില്‍ അതിന്റെ ചിത്രം എനിക്ക് അയച്ചു തരൂ”…
