ന്യൂഡല്‍ഹി : ജയലളിതയ്ക്ക് ആദാരാജ്ഞലി അര്‍പ്പിക്കുന്നതിനായി ചെന്നൈയിലേക്ക് പുറപ്പെട്ട, രാഷ്ട്രപതി പ്രണബ് മുഖര്‍ജിയുടെ വിമാനം ഡല്‍ഹിയില്‍ തിരിച്ചിറക്കി. 15 മിനുട്ട് പറന്നശേഷമാണ് വിമാനം തിരിച്ചിറക്കിയത്. സാങ്കേതിക തകരാര്‍ മൂലമാണ് വിമാനം തിരിച്ചിറക്കിയത് എന്നാണ് റിപ്പോര്‍ട്ട്. ഇതു സംബന്ധിച്ച കൂടുതല്‍ വിവരങ്ങള്‍ ലഭ്യമല്ല.
ഡല്‍ഹിയില്‍ തിരിച്ചിറങ്ങിയ രാഷ്ട്രപതി വേറെ വിമാനത്തില്‍ ചെന്നൈയിലേയ്ക്ക് പോകുമെന്നാണ് റിപ്പോര്‍ട്ട്. ഉച്ചകഴിയുന്നതോടെ, രാഷ്ട്രപതി ചെന്നൈയിലെത്തി ജയലളിതയ്ക്ക് അന്തിമോപചാരം അര്‍പ്പിക്കുമെന്നാണ് സൂചന.
