ബാങ്ക്, വസ്തു സംബന്ധമായ ഇടപാടുകള്‍, ഇന്‍കംടാക്‌സ് എന്നിങ്ങനെ എല്ലാ ആവശ്യങ്ങള്‍ക്കും അത്യന്താപേക്ഷിതമായ സംവിധാനമാണ് പാന്‍ കാര്‍ഡ്(പെര്‍മെനന്റ് അക്കൗണ്ട് നമ്പര്‍). എന്നാല്‍ പാന്‍ കാര്‍ഡ് നഷ്ടപ്പെട്ടാല്‍ എന്തുചെയ്യും? നഷ്ടപ്പെട്ട കാര്‍ഡിനു പകരം പുതിയത് ലഭിക്കുന്നതിനായി ഓണ്‍ലൈന്‍ വഴി അപേക്ഷിക്കാവുന്നതാണ്.
ഓണ്‍ലൈനായി അപേക്ഷിക്കുന്നത്തിന്:-
Step 1
ആദ്യം ഗൂഗിളില്‍ പോയി റീ പ്രിന്റ് പാന്‍ കാര്‍ഡ് എന്നു സെര്‍ച്ച് ചെയ്യുക. അപ്പോള്‍ Reprint PAN CARD – UTIITSL എന്ന പോര്‍ട്ടല്‍ കാണും. അതില്‍ ക്ലിക്ക് ചെയ്യുക
Step 2
പാന്‍ സര്‍വീസ് പോര്‍ട്ടല്‍ ഓപണ്‍ ആയാല്‍ താഴേക്കു സ്‌ക്രോള്‍ ചെയ്യുമ്പോള്‍ റീ പ്രിന്റ് പാന്‍ കാര്‍ഡ് എന്ന ഓപ്ഷന്‍ കാണാം. അതില്‍ ക്ലിക്ക് ചെയ്യുക.
Step 3
നിങ്ങളുടെ പാന്‍ നമ്പര്‍, ആധാര്‍ നമ്പര്‍, ജനന തിയതി, ജിഎസ്ടി നമ്പര്‍ (ഉണ്ടെങ്കില്‍ മാത്രം) എന്നിവ നല്‍കുക. കാപ്ച്ച കോഡ് നല്‍കി സബ്മിറ്റ് ചെയ്യുക.
Step 4
സബ്മിറ്റ് ചെയ്തുകഴിഞ്ഞാല്‍ 50 രൂപ ഫീസ് ആയി അടയ്ക്കണം. പുതിയ പാന്‍ കാര്‍ഡ് വീട്ടിലെത്തും.
