ആലപ്പുഴ: അനധികൃതമായി തീരത്തുനിന്ന് മണല്‍ കടത്തുന്നതിനിടയില്‍ രണ്ടു വാഹനങ്ങള്‍ പിടികൂടി. തൃക്കുന്നപ്പുഴ പാനൂര്‍ ഭാഗത്തു നിന്നാണ് കഴിഞ്ഞ ദിവസം തൃക്കുന്നപ്പുഴ പൊലീസ് വാഹനങ്ങള്‍ പിടികൂടിയത്. പൊലീസ് സംഘത്തെ കണ്ട ഉടന്‍ തന്നെ മണല്‍ വാരാനായി എത്തിയവര്‍ വാഹനം ഉപേക്ഷിച്ച് കടന്നുകളയുകയായിരുന്നു.
ഇവരെ പിടികൂടാന്‍ കഴിഞ്ഞില്ല. വാഹനങ്ങള്‍ പൊലീസ് കസ്റ്റഡിയിലെടുത്തു. ഉടമസ്ഥരെ തിരിച്ചറിയാതിരിക്കാന്‍ വാഹനങ്ങളുടെ നമ്പര്‍ പ്ലേറ്റ് ചുരണ്ടി നിലയിലാണ് വാഹനങ്ങള്‍. പിടികൂടിയ വാഹനങ്ങളുടെ ഉടമസ്ഥരെ തിരിച്ചറിയുന്നതിനായി മോട്ടോര്‍ വാഹന വകുപ്പിന്റെ സഹായം തേടുമെന്നു പൊലീസ് അറിയിച്ചു.
