മുംബൈ: 2023ലെ ജനപ്രിയ ഇന്ത്യന്‍ താരങ്ങളുടെ പട്ടിക ഐഎംഡിബി പ്രഖ്യാപിച്ചു. ഷാരൂഖ് ഖാനാണ് പട്ടികയില്‍ ഒന്നാം സ്ഥാനത്ത്. ഈ വര്‍ഷത്തെ ഏറ്റവും വലിയ ബ്ലോക്ബസ്റ്ററുകളായ പഠാനും, ജവാനുമാണ് ഷാരൂഖിന് ഈ സ്ഥാനം നേടി കൊടുത്തത്. ഐഎംഡിബി പേജ് വ്യൂ അടിസ്ഥാനമാക്കിയാണ് സ്റ്റാര്‍ റാങ്കിംഗ് നിര്‍ണ്ണയിക്കുന്നത്.
ആലിയ ഭട്ട്, ദീപിക പദുക്കോണ്‍ എന്നിവരാണ് പട്ടികയില്‍ രണ്ടും മൂന്നും സ്ഥാനത്ത്. ഓസ്‌കാര്‍ അവാര്‍ഡ് നേടിയ ആര്‍ആര്‍ആര്‍ സിനിമ, നെറ്റ്ഫ്‌ലിക്‌സ് ആക്ഷന്‍ ത്രില്ലര്‍ സിനിമ ഹാര്‍ട്ട് ഓഫ് സ്റ്റോണ്‍, കരണ്‍ ജോഹറിന്റെ റോക്കി ഔര്‍ റാണി കി പ്രേം കഹാനിയി എന്നീ ചിത്രങ്ങളാണ് ആലിയയ്ക്ക് രണ്ടാം സ്ഥാനം കിട്ടാന്‍ കാരണമാക്കിയത്.
പഠാനിലെ വേഷത്തില്‍ തിളങ്ങിയ ദീപിക, ജവാനിലും ഒരു എക്‌സറ്റന്റ് ക്യാമിയോ റോളില്‍ എത്തിയിരുന്നു. ഈ ചിത്രങ്ങളുടെ വന്‍ വിജയം ഐഎംഡിബിയുടെ 2023ലെ ജനപ്രിയ ഇന്ത്യന്‍ താരങ്ങളുടെ പട്ടികയില്‍ ദീപിക മൂന്നാം സ്ഥാനം നേടി. തെന്നിന്ത്യന്‍ സിനിമയില്‍ നിന്നും ആദ്യത്തെ പത്തില്‍ നയന്‍താരയ്ക്ക് പുറമേ പത്താം സ്ഥാനത്ത് വിജയ് സേതുപതിയും ഉണ്ട്.
ഐഎംഡിബിയുടെ 2023ലെ ജനപ്രിയ ഇന്ത്യന്‍ താരങ്ങളുടെ പട്ടിക
1.ഷാറൂഖ് ഖാന്‍
2.ആലിയ ഭട്ട്
3.ദീപിക പദുക്കോണ്‍
4.വാമിഖ ഗബ്ബി
5.നയന്‍താര
6.തമന്ന ഭാട്ടിയ
7.കരീന കപൂര്‍ ഖാന്‍
8.ശോഭിത ധൂളിപാല
9.അക്ഷയ് കുമാര്‍
10. വിജയ് സേതുപതി
