ചാലക്കുടി: ചാലക്കുടിയിലും പരിസരപ്രദേശങ്ങളിലും ചുഴലിക്കാറ്റില്‍ വന്‍ നാശനഷ്ടമുണ്ടായതായി റിപ്പോര്‍ട്ട്. പൊലീസ് സ്റ്റേഷന്‍, സുരഭി സിനിമ തിയേറ്റര്‍ എന്നിവടങ്ങളിലെ ഷീറ്റിട്ട മേല്‍ക്കൂര കാറ്റില്‍ പറന്നുപോയി. ഷീറ്റുകള്‍ തകര്‍ന്നതോടെ, സിനിമ കാണാനിരുന്നവര്‍ ഓടി രക്ഷപ്പെട്ടു. ആളപായമില്ലെന്നു പൊലീസ് അറിയിച്ചു.
പലയിടത്തും മരങ്ങള്‍ കടപുഴകി. കാറ്റില്‍ നിരവധി വീടുകള്‍ തകര്‍ന്നിട്ടുമുണ്ട്. തൃശൂര്‍ നഗരത്തിലുള്‍പ്പടെ ജില്ലയിലെ വിവിധയിടങ്ങളില്‍ കനത്ത മഴയാണ്. രൂക്ഷമായ വെള്ളക്കെട്ടില്‍ നഗരത്തിലെ പല വ്യാപാര സ്ഥാപനങ്ങളിലും വെള്ളം കയറി.
