ജിസ് ജോയ് സംവിധാനം ചെയ്ത ‘ഇന്നലെ വരെ’ എന്ന ചിത്രം ജൂണ്‍ 9ന് ഒടിടിയില്‍ റിലീസ് ചെയ്യും. സിനിമ നേരിട്ട് സോണി ലിവിലാണ് റിലീസ് ചെയ്യുക.
ഫീല്‍ ഗുഡ് സിനിമകളില്‍ നിന്ന് വ്യത്യസ്തമായ ജിസ് ജോയ് ഈ വര്‍ഷം ത്രില്ലര്‍ ചിത്രവുമായാണ് എത്തുന്നത്. ആസിഫ് അലി, നിമിഷ സജയന്‍, ആന്റണി വര്‍ഗീസ് പെപ്പെ എന്നിവരാണ് ചിത്രത്തിൽ പ്രധാന കഥാപാത്രങ്ങളെ അവതരിപ്പിക്കുന്നത്.
മാത്യു ജോര്‍ജ് ആണ് ചിത്രത്തിന്റെ നിര്‍മാണം. ബോബി-സഞ്ജയ് ആണ് തിരക്കഥ ഒരുക്കിയത്. റീബ മോണിക്ക ജോണ്‍, റോണി ഡേവിഡ് രാജ്, അതുല്യ ചന്ദ്ര തുടങ്ങിയവരാണ് ചിത്രത്തിലെ മറ്റ് പ്രധാന അഭിനേതാക്കൾ.
