ദുബായ്: എമിറേറ്റ്സ് എയർലൈൻസിന്റെ ഇന്ത്യയിൽ നിന്നുള്ള സർവീസുകൾ ജൂണ്‍ 23ന് പുനരാരംഭിക്കും. യുഎഇ അംഗീകൃത വാക്സിന്‍റെ രണ്ട് ഡോസും സ്വീകരിച്ച താമസക്കാര്‍ക്കാണ് അനുമതി. കൂടാതെ യുഎഇ സര്‍ക്കാര്‍ പുറത്തിറക്കിയ എല്ലാ നിബന്ധനകളും പാലിക്കണമെന്ന് എമിറേറ്റ്സ് എയർലൈൻ അറിയിച്ചു.
കോഴിക്കോട്, തിരുവനന്തപുരം, കൊച്ചി എന്നീ വിമാനത്താവളങ്ങളിലേക്കും. ഇന്ത്യയിലെ മറ്റു പ്രധാനപ്പെട്ട നഗരങ്ങളിലേക്കും എമിറേറ്റ്സ് എയർലൈൻ സര്‍വീസ് നടത്തുന്നുണ്ട്. ഇന്ത്യക്ക് പുറമെ ദക്ഷിണാഫ്രിക്ക, നൈജീരിയ എന്നീ രാജ്യങ്ങളിലേക്കും സര്‍വീസ് നടത്തും.
