ന്യൂഡല്‍ഹി: സാഫ് കപ്പില്‍ ജേതാക്കളായ ഇന്ത്യക്ക് ഫിഫ റാങ്കിംഗിലും നേട്ടം. ഇന്ത്യ മൂന്നു സ്ഥാനങ്ങള്‍ മുന്നോട്ടുകയറി 163 -ാം സ്ഥാനത്തെത്തി. അഫ്ഗാനിസ്ഥാനെ പരാജയപ്പെടുത്തി ഏഴാം വട്ടവും സാഫ് ചാമ്പ്യന്‍മാരാകാന്‍ സാധിച്ചതാണ് നീലപ്പടയ്ക്ക് റാങ്കിംഗിലും നേട്ടമായത്.
ചാമ്പ്യന്‍ഷിപ്പില്‍ ഒരു മത്സരത്തില്‍പ്പോലും ഇന്ത്യ പരാജയപ്പെട്ടിരുന്നില്ല. ഇറാനാണ് ഏഷ്യന്‍ രാജ്യങ്ങളില്‍ മുന്നിലുള്ളത്. ഇറാന്‍ ലോക റാങ്കിംഗില്‍ 43-ാം സ്ഥാനത്താണ്. ബെല്‍ജിയമാണ് ഒന്നാം സ്ഥാനത്ത്. അര്‍ജന്റീനയും സ്‌പെയിനും ജര്‍മനിയും ചിലിയും തൊട്ടടുത്ത സ്ഥാനങ്ങള്‍ക്ക് അര്‍ഹരായി. ബ്രസീല്‍ ആറാം സ്ഥാനത്താണ്.
