റിയാദ്: ഇന്ത്യയില്‍ ഓക്സിജന് ക്ഷാമം രൂക്ഷമായ സാഹചര്യത്തില്‍ സഹായവുമായി സൗദി അറേബ്യ. സൗദിയില്‍ നിന്ന് ലിക്വിഡ് ഓക്‌സിജനും ടാങ്കുകളും സിലിണ്ടറുകളും ഇന്ത്യയിലെത്തിക്കും.സൗദിയിലെ ലിന്‍ഡെ കമ്പനിയില്‍ നിന്നുള്ള ഓക്സിജനാണ് ഇന്ത്യയില്‍ എത്തിക്കുന്നത്.
നാല് ഐഎസ്ഒ ക്രയോജനിക് ടാങ്കുകളും 80 മെട്രിക് ടണ്‍ ലിക്വിഡ് ഓക്‌സിജനും ആണ് ഇന്ത്യയില്‍ എത്തിക്കുക. ദമാമില്‍ നിന്നാണ് പുറപ്പെടുന്നത്. ഗുജറാത്തിലെ മുണ്ട്ര തുറമുഖത്ത് ആണ് ഓക്സിജന് എത്തുക. സൗദിയിലെ ലിന്‍ഡെ കമ്പനി ഇന്ത്യയിലെ അദാനി ഗ്രൂപ്പും ആയി സഹകരിച്ചാണ് ഓക്സിജന് എത്തിക്കുന്നത്. സൗദിയുടെ സഹകരണത്തിനും പിന്തുണക്കും നന്ദി അറിയിച്ച് കൊണ്ട് ഇന്ത്യന്‍ എംബസി ട്വീറ്റ് ചെയ്തു
