മുംബൈ: ക്രിക്കറ്റ് ആരാധകരുടെ പ്രിയപ്പെട്ട താരമാണ് ഋഷഭ് പന്ത്. ഇംഗ്ലണ്ടിനെതിരെ നേടിയ സെഞ്ചുറിയും അഡ്‌ലെയ്ഡില്‍ റെക്കോഡ് ക്യാച്ച് പ്രകടനവും താരത്തെ ഇപ്പോള്‍ ക്രിക്കറ്റ് ലോകത്തെ സൂപ്പര്‍ താരമാക്കി മാറ്റി. ഏവര്‍ക്കും പന്തിനെക്കുറിച്ച് വാഴ്ത്തുവാന്‍ മാത്രമേ ഇപ്പോള്‍ സമയം ഉള്ളു. എന്നാലിപ്പോള്‍, മുന്‍ ഇന്ത്യയുടെ ഇതിഹാസതാരം സുനില്‍ ഗവാസ്‌കറുടെ വിമര്‍ശനത്തിന് ഇരയായിരിക്കുകയാണ് താരം. പന്ത് ഓസ്‌ട്രേലയിന്‍ താരം പാറ്റ് കമ്മിന്‍സിനെ മൈതാനത്ത് വെച്ച് പ്രകോപിപ്പിച്ചത് ഗവാസ്‌കര്‍ക്ക് ഇഷ്ടമായില്ല.
പന്ത് കമ്മന്‍സിനോട് സംസാരിച്ചത് സ്വന്തം ടീമംഗങ്ങളോട് സംസാരിക്കുന്നത് പോലെയാണ് അതൊരിക്കലും അംഗീകരിക്കാന്‍ കഴിയില്ല. ‘കമോണ്‍ പാറ്റ്’ എന്നാണ് പന്ത് കമ്മിന്‍സ് ബാറ്റ് ചെയ്യുന്നതിനിടെ പറഞ്ഞത്. ഇങ്ങനെ ഒരിക്കലും എതിര്‍ ടീം അംഗത്തോട് പറയുതായിരുന്നുവെന്ന് ഗവാസ്‌കര്‍ പറഞ്ഞു. പ്രത്യേകിച്ച് പേസ് ബൗളര്‍മാരോട്. കമ്മിന്‍സ് ഇതൊരിക്കലും മറക്കാന്‍ വഴിയില്ല. പേസുള്ള പിച്ചാണ് പെര്‍ത്തിലേത്. കമ്മിന്‍സ് അവിടെ തിരിച്ചടിക്കും. പന്ത് കരുതിയിരിക്കേണ്ടി വരുമെന്നും ഗവാസ്‌കര്‍ കൂട്ടച്ചേര്‍ത്തു.
Stump mic on ?
It’s cricket like never before, no commentary in the whole over ? #AUSvIND #foxcricket pic.twitter.com/8R2nwVMa9W— Fox Cricket (@FoxCricket) December 10, 2018
കളിക്കിടെ പന്ത് കമ്മിന്‍സിനെ ചില പരാമര്‍ശങ്ങളുമായി ശല്യം ചെയ്യുന്നത് ബ്രോഡ്കാസ്റ്റര്‍ സ്റ്റംപ് മൈക്കില്‍ പതിഞ്ഞിരുന്നു. ഇതിന്റെ വീഡിയോ ഇപ്പോള്‍ വൈറലായിക്കൊണ്ടിരിക്കുകയാണ്.
