ബ്രിസ്റ്റോള്‍: ഞായറാഴ്ച ഇംഗ്ലണ്ടിനെതിരെ നടന്ന മൂന്നാം ടി-20 മത്സരം വിജയിച്ചതിനു കാരണം രോഹിത് ശര്‍മയാണെന്ന് ഇന്ത്യന്‍ ഓള്‍ റൗണ്ടര്‍ ഹര്‍ദിക് പാണ്ഡ്യ. ഇംഗ്ലണ്ടിനെതിരെയുള്ള മത്സരത്തില്‍ മികച്ച പ്രകടനമാണ് രോഹിത് കാഴ്ചവെച്ചത്. ഇതു പോലുള്ള പ്രകടനമാണ് ഇന്ത്യന്‍ ടീം രോഹിതില്‍ നിന്നും പ്രതീക്ഷിക്കുന്നത്.
ഇന്ത്യന്‍ ടീമിന്റെ വിജയത്തിന്റെ മുഴുവന്‍ ക്രെഡിറ്റും രോഹിത്തിനു നല്‍കുന്നതായും ഹര്‍ദിക് പറഞ്ഞു. മത്സരത്തിനു ശേഷം മാധ്യമങ്ങളോട് സംസാരിക്കവെയാണ് പാണ്ഡ്യ രോഹിത്തിനെ കുറിച്ച് പറഞ്ഞത്.
ഞായറാഴ്ച നടന്ന ഇംഗ്ലണ്ട് – ഇന്ത്യ ടി 20 യില്‍ 7 വിക്കറ്റ് വാക്കി നില്‍ക്കെയാണ് ഇന്ത്യ ഇംഗ്ലണ്ടിനെ പരാജയപ്പെടുത്തിയത്. ഇതോടെ മൂന്നു മത്സരങ്ങളുടെ പരമ്പര ഇന്ത്യ 2-1 ന് സ്വന്തമാക്കുകയായിരുന്നു.
