ജോഹന്നാസ്ബര്‍ഗ്: ദക്ഷിണാഫ്രിക്കയ്‌ക്കെതിരായ പരമ്പരയില്‍ ബാറ്റിങ് തിരഞ്ഞെടുത്ത ഇന്ത്യയ്ക്ക് 20 റണ്‍സെടുക്കുന്നതിനിടയില്‍ ആദ്യ വിക്കറ്റ് നഷ്ടമായി. 13 പന്തില്‍ അഞ്ചു റണ്‍സെടുത്ത രോഹിത് ശര്‍മ്മയാണ് ക്രീസ് വിട്ടത്. റബാദയുടെ പന്തിന് ക്യാച്ച് നല്‍കി ശര്‍മ്മയെ രോഹിത് പുറത്താക്കുകയായിരുന്നു.
ദക്ഷിണാഫ്രിക്കയില്‍ ആദ്യപരമ്പര എന്ന ചരിത്രനേട്ടത്തിന് ഒരു ജയത്തിന്റെ അകലം മാത്രമാണ് ഇന്ത്യയ്ക്കുള്ളത്. മത്സരത്തില്‍ വിജയം സ്വന്തമാക്കിയാല്‍ പരമ്പരയ്‌ക്കൊപ്പം ഏകദിന റാങ്കിങ്ങിലെ ഒന്നാം സ്ഥാനവും ഇന്ത്യയ്ക്ക് നേടാം.
കേദാര്‍ ജാദവിന് പകരം ശ്രേയസ് അയ്യറാണ് ഇന്ത്യന്‍ ടീമില്‍ ഇടംപിടിച്ചിരിക്കുന്നത്. എ ബി ഡി വില്ലിയേഴ്‌സും മോണെ മോര്‍ക്കലും ടീമില്‍ തിരിച്ചെത്തിയത് ദക്ഷിണാഫ്രിക്കയ്ക്ക് ആശ്വാസം നല്‍കുന്നുണ്ട്. ആറ് മല്‍സരങ്ങളുടെ പരമ്പരയില്‍ 3-0ത്തിന് മുന്‍പിലാണ് ഇന്ത്യ.
