കശ്മീർ: കശ്മീരിൽ ഇന്ത്യൻ സൈന്യം രണ്ട് ഭീകരരെ വധിച്ചു. തെക്കൻ കശ്മീരിലെ പുൽവാമ ജില്ലയിലെ തഹാബിലാണ് സൈന്യവും ഭീകരരും തമ്മിൽ ഏറ്റുമുട്ടലുണ്ടായത്.
പ്രദേശത്തെ ഭീകരരായ അഹമ്മദ് ഷെയ്ക്ക്, അബീദ് മാർഗരെ എന്നിവരാണ് കൊല്ലപ്പെട്ടത്.
തഹാബ് പ്രദേശത്ത് ഭീകരർ തമ്പടിച്ചിരിക്കുന്നു എന്ന രഹസ്യവിവരത്തെ തുടർന്ന് സൈന്യം തെരച്ചിൽ നടത്തിയിരുന്നു. ഇതിനിടെ ഭീകരർ സൈന്യത്തിനു നേർക്ക് വെടിയുതിർക്കുകയായിരുന്നു.
വീടുകളിൽ ഒളിച്ച് ഇരുന്നാണ് ഭീകരർ ആക്രമണം നടത്തിയത്. കൂടുതൽ ഭീകരർ പ്രദേശത്ത് തമ്പടിച്ചിരിക്കുന്നതിനെ തുടർന്ന് സ്ഥലത്തു നിന്നും പ്രദേശവാസികളെ ഒഴിപ്പിച്ചിട്ടുണ്ട്.
