പുതിയ പരിശീലകനെ തേടി ഇന്ത്യന്‍ ക്രിക്കറ്റ് ടീം. പരിശീലക സ്ഥാനത്തേക്കായി അപേക്ഷകള്‍ ക്ഷണിക്കാന്‍ ഒരുങ്ങിയിരിക്കുകയാണ് ബി.സി.സി.ഐ. ഒന്നോ രണ്ടോ ദിവസത്തിനുള്ളില്‍ പുതിയ അപേക്ഷകള്‍ ക്ഷണിച്ച് തുടങ്ങുമെന്നാണ് സൂചന. ലോകകപ്പിന് പിന്നാലെ നിലവിലെ പരിശീലകന് രവി ശാസ്ത്രിയുടെ കരാര്‍ കാലാവധി അവസാനിക്കുന്നതിനാലാണ് ടീം പുതിയ പരിശീലകനെ തേടുന്നത്.
അതേസമയം ബിസിസിഐ പരിശീലകനെ കണ്ടെത്താനുള്ള അപേക്ഷകള്‍ ക്ഷണിച്ച് തുടങ്ങുമ്പോള്‍ രവി ശാസ്ത്രിക്ക് വീണ്ടും അപേക്ഷനല്‍കാം. മുഖ്യ പരിശീലകന് പുറമേ ടീമിന്റെ സപ്പോര്‍ട്ട് സ്റ്റാഫുകള്‍ക്ക് വേണ്ടിയും ബിസിസിഐ അപേക്ഷ ക്ഷണിക്കുമെന്നാണ് അറിയിച്ചിരിക്കുന്നത്.
