ഓസ്ട്രേലിയൻ പര്യടനത്തിനായുള്ള ഇന്ത്യൻ ക്രിക്കറ്റ് ടീം പുറപ്പെട്ടു. ഐപിഎൽ അവസാനിച്ചതിനു പിന്നാലെയാണ് ബബിളിൽ നിന്ന് പുറത്തുകടന്ന് താരങ്ങളെല്ലാം ഒത്തുചേർന്നത്. ഓരോരുത്തർക്കും പ്രത്യേകം കസ്റ്റമൈസ് ചെയ്ത പിപിഇ കിറ്റുകളും മാസ്കുകളുമാണ് കൊടുത്തിരിക്കുന്നത്.
നവംബർ 27ന് ഏകദിന പരമ്പരയോടെയാണ് ഇന്ത്യൻ പര്യടനം ആരംഭിക്കുക. ഡിസംബർ നാലിനാണ് ടി-20 പരമ്പര ആരംഭിക്കുക. മൂന്ന് വീതം ഏകദിന, ടി-20 മത്സരങ്ങളും നാല് ടെസ്റ്റ് മത്സരങ്ങളുമാണ് പര്യടനത്തിൽ ഉള്ളത്.ക്യാപ്റ്റൻ വിരാട് കോലിയും പരിശീലകൻ രവി ശാസ്ത്രിയും ഉൾപ്പെട്ട സംഘമാണ് പര്യടനത്തിനുള്ളത്. മലയാളി താരം സഞ്ജുവും ടീമിൽ ഉണ്ട്
