സിനിമ പ്രേമികള്‍ക്കിടയില്‍ എപ്പോഴും ശ്രദ്ധ നേടുന്ന ഒന്നാണ് ഗൂഗിള്‍ പുറത്തിറക്കുന്ന മോസ്റ്റ് സെര്‍ച്ച്സ് ലിസ്റ്റുകള്‍. ഇത്തവണ ഗൂഗിള്‍ പുറത്തിറക്കിയ ആഗോള തലത്തില്‍ ഏറ്റവുമധികം സെര്‍ച്ച് ചെയ്യപ്പെട്ട സിനിമകളുടെ പട്ടികയില്‍ രണ്ട് ഇന്ത്യന്‍ ചിത്രങ്ങളും ഇടംപിടിച്ചിട്ടുണ്ട്. ബോളിവുഡ് ചിത്രം ബ്രഹ്മാസ്ത്ര, കന്നഡയില്‍ നിന്നുള്ള പാന്‍ ഇന്ത്യന്‍ ചിത്രം കെജിഎഫ് ചാപ്റ്റര്‍ 2 എന്നിവയാണ് ഗൂഗിളിന്റെ ആഗോള സെര്‍ച്ച് ലിസ്റ്റില്‍ ഇടംപിടിച്ചിരിക്കുന്നത്.
ഗൂഗിളില്‍ ആഗോള തലത്തില്‍ ഈ വര്‍ഷം ഏറ്റവുമധികം സെര്‍ച്ച് ചെയ്യപ്പെട്ട സിനിമകള്‍
1. ഥോര്‍: ലവ് ആന്‍ഡ് തണ്ടര്‍
2. ബ്ലാക്ക് ആദം
3. ടോപ്പ് ഗണ്‍: മാവെറിക്
4. ദ് ബാറ്റ്മാന്‍
5. എന്‍കാന്റോ
6. ബ്രഹ്മാസ്ത്ര: പാര്‍ട്ട് വണ്‍- ശിവ
7. ജുറാസിക് വേള്‍ഡ്: ഡൊമിനിയന്‍
8. കെജിഎഫ് ചാപ്റ്റര്‍ 2
9. അണ്‍ചാര്‍ട്ടഡ്
10. മോര്‍ബിയസ്
സംവിധായകന്‍ അയന്‍ മുഖര്‍ജി രൂപപ്പെടുത്തിയ ഏറെ സവിശേഷതകളുള്ള ഒരു ഫ്രാഞ്ചൈസിയിലെ ആദ്യ ഭാഗമായിരുന്നു ബ്രഹ്മാസ്ത്ര. രണ്‍ബീര്‍ കപൂറും അലിയ ഭട്ടുമാണ് പ്രധാന കഥാപാത്രങ്ങളെ അവതരിപ്പിച്ചത്.
ഇന്ത്യന്‍ സിനിമയില്‍ ഈ വര്‍ഷത്തെ ഏറ്റവും വലിയ വിജയങ്ങളിലൊന്നാണ് കെജിഎഫ് 2. കന്നഡ സിനിമയെ സംബന്ധിച്ച് അഭിമാന വിജയമായിരുന്ന കെജിഎഫിന്റെ രണ്ടാംഭാഗം എന്ന നിലയില്‍ ഭാഷാഭേദമന്യെ ഇന്ത്യന്‍ സിനിമാപ്രേമികള്‍ക്കിടയില്‍ വന്‍ പ്രീ-റിലീസ് ഹൈപ്പ് നേടിയിരുന്നു കെജിഎഫ് 2. ഈ ഹൈപ്പിനൊപ്പം റിലീസ് ദിനത്തില്‍ തന്നെ പോസിറ്റീവ് മൌത്ത് പബ്ലിസിറ്റിയും ലഭിച്ചതോടെ ചിത്രം ബോക്സ് ഓഫീസില്‍ കുതിച്ചു.
