കോമണ്‍ വെല്‍ത്ത് ഗെയിംസില്‍ ഗുസ്തിയില്‍ ദിവ്യ കക്രാന് വെങ്കലം. ടോംങ്കോയുടെ കോക്കര്‍ ലെമലിയെ പരാജയപ്പെടുത്തിയാണ് മെഡല്‍ നേട്ടം. 2-0 എന്ന നിലയിലാണ് ദിവ്യ വെങ്കലം സ്വന്തമാക്കിയത്. ആദ്യ 26 സെക്കന്റുകള്‍ക്കുള്ളില്‍ തന്നെ ദിവ്യയ്ക്ക് കോക്കര്‍ ലെമലിയെ പരാജയപ്പെടുത്താന്‍ സാധിച്ചു. ഇത് ഗുസ്തിയിലെ ഇന്ത്യയുടെ അഞ്ചാം മെഡലാണ്. ആകെ 25 മെഡലുകളാണ് ഇന്ത്യ നേടിയത്.
62 കിലോ ഫ്രീസൈറ്റല്‍ ഗുസ്തിയില്‍ സാക്ഷി മാലിക്കിന് സ്വര്‍ണം നേടാനായി. ഗുസ്തിയില്‍ ഇന്ത്യന്‍ താരങ്ങളായ സാക്ഷി മാലിക്കും ബജ്‌റംഗ് പൂനിയയുമാണ് സ്വര്‍ണം നേടിയത്. മറ്റൊരു ഗുസ്തി താരമായ അന്‍ഷു മാലിക്കിന് വെള്ളിയും ലഭിച്ചു.
